Princípios.
1) Buscamos difundir o Marxismo:
Difundir o interesse polo Marxismo é mui útil para o proletariado mais consciente. Entender isto é tam
fácil como entender que um estudante de medicina, que ainda nom assistiu à sua primeira aula, vai
estar mais interessado em ler um artigo sobre metabolismo humano que alguém lhe recomendou, do
que vai estar interessado um estudante de astrologia. Um estudante de medicina estará predisposto a
aprender sobre fisiologia. Um estudante de astrologia facilmente pode regeitar a medicina, regeitar os
autores, regeitar a linguagem da ciência médica da academia burguesa, etc.
Uma pessoa que se sinta comunista está predisposta a falar a nossa mesma "língua", pessoas que se
sentem astrólogas nom. De maneira que o aumento de pessoas que se sintem comunistas, ainda que
nom tenha todos os conhecimentos que nos gostariam, devem de ser tido em conta como positivo.
Devemos dar-lhe todas as facilidades, é assi de simples.
2) Buscamos treinar a militância:
Comprovar se somos capazes de argumentar, de resolver dúvidas, de seguir um pensamento; som
cousas de utilidade.
Escuitando o que diz outra pessoa, ainda que a sua intervençom nom tenha em si muito interesse,
simplesmente com fazer um exercício mental de crítica pode fortalecer a nossa linha de pensamento.
Se nom somos capazes de influenciar a pessoa que som comunistas, ou que se sintem comunistas.
Como podemos influenciar a pessoas que simplesmente tenham um problema na empresa na que
trabalham, o que querem é resolver esse problema e nom se definem como comunistas? Como imos
conseguir que os operários que simplesmente buscam resolver o seu problema laboral particular
assumam umha tese minimamente comunista?
3) Como enfocar o trabalho para cumprir o objetivo mais geral:
Buscamos um estudo sério e em profundidade tanto das bases do socialismo científico, como das
contradiçons sociais existentes na Galiza atual e das contradiçons sociais mundiais.
Buscamos fortalecer o Movimento Comunista Galego, entendo que este Movimento é mais um
sentimento que um movimento social real. Desta maneira pessoas que nom militam em nada que se
chame "comunista", tamém formam parte do Movimento Comunista Galego.
4) Exigências no funcionamento:
A) Manter um mínimo de ordem e cortesia nas intervençons.
B) Há pessoas que nom querem ser fotografadas, polo que nom se podem sacar fotografias, nem
tampouco fazer gravaçons. As nossas reunions som públicas mas todos e todas devem entender que
para criar um ambiente de confiança, há que respeitar as objeçons dos demais e cumprir as normas
mínimas. Se alguém o solicitar, as pessoas que organizam as reunions podem fazer algumha foto e
enviar-lha a quem o solicitar.
C) As pessoas participantes podem se expressar por internet, podem dar a sua opiniom sobre os temas
tratados, utilidade dos atos, conclusons que sacou, etc, mas nom se pode dar o nome de nengumha
pessoa que nom seja o próprio autor ou autora do comentário ou artigo. A atividade do Grupo de
Estudo Marxista Contradiçom nom é clandestina nem nada parecido, simplesmente pretendemos que as
costumes e o estilo de trabalho de uns nom incomode a outros. Mas, há que cumprir esta norma.
5) Mínimos exigíveis a qualquer pessoa que se sinta comunista:
A) Apoiar a autodeterminação dos povos, os movimentos de luita contra o colonialismo, as guerras
populares, e os movimentos de libertaçom nacional.
B) Apoiar o antimilitarismo. Sabendo que estamos em um momento generalizado de aumento dos
gastos militares dos estados burgueses para preparar as próximas guerras e tamém, em um momento
de perigo dumha nova guerra mundial.
C) Apoiar a autodeterminaçom nacional da Galiza como umha obrigaçom nom só das comunistas senom
tamém, como umha obrigaçom para qualquer democrata consequente. Entendendo que a
autodeterminaçom da Galiza pode ser o exercício do direito burguês, consistente em um referendo de
autodeterminaçom no qual se escolhe se formar um estado independente ou nom. Mas que tamém
pode haver outra maneira legítima de considerar a autodeterminaçom da Galiza para alguns dos
membros do Grupo de Estudos Marxista Contradiçom. Está outra maneira de entender a
autodeterminaçom como o resultado da prática política revolucionária das grandes massas e nom como
um referendo. Dá mesma maneira que os Argelinos se autodeterminarom sem nengum referendo.
D) Apoiar a Revoluçom Proletária na Galiza. Isto é a necessidade de que o proletariado galego conquiste
o poder político e que "exproprie aos expropriadores".
E) Apoiar a Revoluçom Proletária Mundial. A necessidade do triunfo do proletariado na luita de classes
mundial para superar definitivamente o capitalismo e avançar cara o comunismo.
"Aprende, aprender, e aprender sempre". V I Lenin.
Grupo de Estudos Marxista Contradiçom.
Nenhum comentário:
Postar um comentário